الكمية تكفي:
3 أشخاص
وقت التحضير:
60 دقيقة
وقت الطهي:
15 دقيقة
المقادير:
- ارز ابيض مستوى
- كبد وقوانص
- بسلة وجزر وبصل
- لعمل البشاميل (2 ملعقة دقيق-2 ملعقة سمن-لبن-شوربة)
التحضير:
- اول حاجة حنجيب الكبد والقوانص دول حوالى ربع كيلو يعمل القالب اللى انتوا شايفيه ده
- نغسلهم كويس طبعا ونقطعهم حتت صغيرة زى ما انتوا شايفين
- حنجيب معاهم بصلة كبيرة مبشورة ونحطها عليهم
- وبعدين نجيب جزرة واحدة نقطعها ونحط بسلة نخلط كل ده على بعضه زى ما انتوا شايفين
- بعد كده نحط عليهم معلقة سمن او زيت زى ما تحبى ونسيبهم على نار هادية يستوا وفى الاخر نحطلهم الملح والفلفل
- هما بياخدوا حوالى ساعة على النار ..لو حستى ان مايتهم خلصت ولسه ماستووش ممكن نضيف شوية ميا صغيرين اوى شوية بشوية لغاية لما يستوا
- المهم كل حاجة لازم تبقى مستوية يعنى البسلة والجزر مستويين تماما والكبد والقوانص زيهم
- ممكن لو حبة تدبلى البصلة شوية الاول وبعدين تضيفى الكبد والبسلة بس بتدى فى الاخر نفس الطعم والنتيجة مش بتفرق كتير ...وده شكلهم بعد ما استووا
الطبخ:
- حنعمل بشاميل عبارة عن معلقتين كبار دقيق &معلقتين كبار زبد او سمن &لبن مع شوربة النص بالنص حسب الحاجة
- حنحمر الدقيق فى السمن وبعد كده نضيف اللبن والشوربة شوية شوية ونضرب كويس بالمضرب السلك علشان مايكلكعش
- وهو على النار لغاية لما نوصل للسمك المطلوب للبشاميل زى الصورة كده
- والوصفة دى لازم البشاميل يبقى فيه شوربة مع اللبن يعنى مش لبن بس
- بعد كده نحط بشاميل فى قاع القالب زى ما انتوا شايفين
- نكون مسويين رز ابيض عادى خالص زى اللى بنعمله على طول وعلى فكرة لو عندك رز بايت فى التلاجة ينفع فى الوصفة دى
- المهم رز ابيض مستوى بدون اى اضافات ولا حتى شعرية ررز بس زى ما انتوا شايفين ونحط نص الرز فوق طبقة البشاميل
- وبعدين نحط الحشو ..وبعدين نحط نص التانى من الرز وبعدين طبقة بشاميل
- نحطه فى فرن حارعلى الصاجة تحت هو سويه عامل زى المكرونة بالبشاميل ولما نحس انه استوى واتحمر من تحت نولع الشواية ياخد لون من فوق
- وده لما اتقطع طبعا مش بقدم معاه اى لحوم بقدم معاه بطاطس محمرة وسلطة
